في الدرس ده هندردش
ونتعمق أكتر في تحليل النسب المالية.
النسب دي بتتقسم
لمجموعتين أساسيتين:
- نسب الأداء (Performance Ratios): بتقيس أداء الشركة وكفاءتها
وربحيتها.
- نسب الرفع المالي (Financial Leverage Ratios): بتقيس قدرة الشركة على سداد
التزاماتها وطرق تمويلها.
أولا: نسب الأداء (Performance Ratios)
النسب دي بتنقسم لجزئين
أساسيين:
1. نسب الربحية (Profitability Ratios)
ودي بتقيس قدرة الشركة
على تحقيق الربح، ومن خلالها بنقيم الشركة من ناحية الربحية.
أهم ثلاث نسب هنا وكلهم بيعتمدوا على قائمة
الدخل (Income Statement):
- هامش الربح المجمل (Gross Profit Margin): بيقيس نسبة الربح بعد خصم تكلفة
البضاعة المباعة.
- هامش الربح التشغيلي (Operating Profit Margin): بيقيس الربح من النشاط الأساسي
للشركة، وأحيانا بيسموه (EBIT) اختصارا لـ (Earnings Before Interest and Taxes) يعني صافي الدخل قبل الفوائد والضرائب (هنتكلم قدام عن
الفرق الدقيق لو في اختلاف بين المسميين في بعض الكتب).
- هامش صافي الربح (Net Profit Margin): ده هامش الربح النهائي بعد خصم
كل المصروفات من الإيرادات.
2. نسب الكفاءة أو النشاط (Efficiency / Activity Ratios)
النسب دي بتقيم كفاءة
الشركة في إدارة مواردها وأصولها لتوليد المبيعات (Sales).
ملاحظة:
أي نسبة فيها كلمة (Turnover) معناها إن حسابها بيعتمد على رقم من قائمة الدخل ورقم تاني من
الميزانية العمومية.
- نسبة الضرائب (Tax Ratio): بتقيس قدرة الشركة على إدارة
تعاملاتها الضريبية وسدادها.
- معدل دوران إجمالي الأصول (Total Asset Turnover): بيقيس كفاءة الشركة في استخدام
كل أصولها لتحقيق مبيعات.
- معدل دوران الأصول الثابتة
(PPE Turnover): بيقيس كفاءة الشركة في استخدام
أصولها الثابتة (Property,
Plant, and Equipment) لتوليد المبيعات.
نسب كفاءة رأس المال العامل (Working Capital Efficiency Ratios):
رأس المال العامل هو الفلوس اللي بتشغل الشركة يوميا، ومعادلته هي:
لو الناتج بالموجب، الشركة قادرة تغطي التزاماتها قصيرة الأجل، لو
بالسالب، الشركة عندها مشكلة.
عشان نقيس كفاءة رأس
المال العامل، بنبص على 3 بنود رئيسية، وكل بند بنقيس له حاجتين (عدد المرات Turnover، وعدد الأيام Days):
- المخزون (Inventory) - أصول متداولة:
- معدل دوران المخزون (Inventory Turnover): كام مرة في السنة بتشتري مخزون
وتبيعه.
- أيام المخزون (Inventory Days / Days Sales in Inventory): البضاعة بتقعد كام يوم في
المخزن من يوم ما تشتريها لحد ما تبيعها.
- حسابات العملاء (Accounts Receivable - AR) - أصول متداولة
(مبيعات آجلة):
- معدل الدوران (Receivables Turnover): كام مرة بتبيع بالآجل للعملاء
وتقدر تحصل فلوسك خلال السنة.
- أيام التحصيل (Receivables Days / Days Sales in Receivables): بتاخد كام يوم عشان تحصل فلوسك
من العملاء بعد عملية البيع.
- حسابات الموردين (Accounts Payable - AP) - التزامات
متداولة (مشتريات آجلة):
- معدل الدوران (Payables Turnover): كام مرة بتشتري بضاعة بالآجل من
الموردين وتدفع لهم خلال السنة.
- أيام الدفع (Payables Days / Days Purchases in Payables): بتاخد كام يوم من وقت شراء
البضاعة لحد ما تدفع للمورد.
ثانيا: نسب الرفع المالي (Financial Leverage Ratios)
النسب دي بتتعامل مع
السيولة (Liquidity)، الملاءة (Solvency)، وهيكل رأس المال (Capital Structure).
عشان نفهم النسب دي،
لازم نفتكر المعادلة المحاسبية الأساسية:
(الأصول
= الالتزامات + حقوق الملكية).
هيكل رأس المال (Capital Structure) هو قرار الشركة بتمويل أصولها بنسبة كام من الديون (Liabilities) ونسبة كام من أموال الملاك (Equity).
1. نسب السيولة (Liquidity Ratios)
بتقيس قدرة الشركة على
سداد التزاماتها قصيرة الأجل (خلال سنة).
- نسبة التداول (Current Ratio):
لو النسبة أكبر من 1، الشركة تقدر تسد التزاماتها المتداولة، لو
أقل، مش هتقدر.
- نسبة السيولة السريعة (Quick Ratio / Acid Test):
أكثر تحفظا من نسبة التداول، بنستبعد منها المخزون (Inventory) والمصروفات المدفوعة مقدما (Prepaid Expenses) لأننا مش ضامنين نقدر نحولهم لكاش بسرعة وقت الأزمة.
- نسبة النقدية (Cash Ratio):
أكثر وأكثر تحفظا، بنستبعد كمان حسابات العملاء (AR) وبنكتفي فقط بالنقدية وما في حكمها (Cash & Equivalents) والاستثمارات قصيرة
الأجل (Marketable Securities) مقسومة على
الالتزامات المتداولة.
- نسبة التدفق النقدي (Cash Flow Ratio):
بتقسم التدفق النقدي التشغيلي (Operating Cash Flow) على رصيد الالتزامات المتداولة، بتقيس قدرتك على سداد ديونك من
الفلوس اللي بتولدها من شغلك الأساسي.
- نسبة رأس المال العامل (Working Capital Ratio):
بتقسم صافي رأس المال العامل على إجمالي الأصول (Total Assets) عشان تعرف نسبة الفلوس الشغالة من إجمالى حجم الشركة.
2. نسب الملاءة (Solvency Ratios)
بتقيس قدرة الشركة على
سداد التزاماتها طويلة الأجل (أكبر من سنة)، وبتوضح هيكل التمويل.
- الدين إلى حقوق الملكية (Debt to Equity Ratio): بيقيس نسبة اعتماد الشركة على
الديون (خصوصا الديون اللي عليها فوائد Interest-Bearing Debt) مقابل أموال الملاك.
- إجمالي الالتزامات إلى حقوق
الملكية (Total Liabilities to Equity): بيقيس كل الالتزامات (سواء
بفوائد أو بدون زي الموردين) مقابل حقوق الملكية.
- إجمالي الأصول إلى حقوق
الملكية (Total Assets to Equity / Equity Multiplier): بيقيس حجم الأصول المدعومة
بأموال الملاك.
- نسبة تغطية الفوائد (Interest Coverage Ratio /
Times Interest Earned):
بتقيس قدرة أرباح الشركة على تغطية مصروفات الفوائد المطلوبة للقروض.
- الدين إلى صافي حقوق
الملكية الملموسة (Debt to Tangible Net Worth): بنستبعد هنا الأصول غير
الملموسة (زي شهرة المحل والعلامة التجارية) عشان نقيس قدرة الأصول الملموسة
الحقيقية على تغطية الديون في حالة الإفلاس.
- الدين إلى (EBITDA): بيقيس الدين مقابل الدخل قبل
الفوائد والضرائب والإهلاك (للأصول الملموسة) والاستهلاك (للأصول غير
الملموسة).
ثالثا: نسب السوق (Market Ratios)
ودي النسب اللي بتربط
بين أداء الشركة المالي وبين سعر سهمها في البورصة.
بنستخدمها بشكل أساسي
في تقييم الأعمال (Business
Valuation)
لمعرفة هل السهم غالي ولا رخيص، ومنها:
- ربحية السهم (EPS - Earnings Per Share)
- مضاعف الربحية (P/E Ratio)
- القيمة السوقية للسهم (Market Value Per Share)
- نسبة القيمة السوقية للدفترية (Market to Book Ratio)
(هنتعمق في النسب دي لما نوصل ل MODULE تقييم الأعمال).
ليست هناك تعليقات:
إرسال تعليق