لو فكرنا في معنى كلمة "تحليل مالي" أو الـ Financial Analysis، هنلاقي إنها ببساطة عبارة عن دراسة (Study) بتتم على الشركة، الهدف من الدراسة دي هو تحديد قوة الشركة وصحتها المالية (Financial Health) وأدائها (Performance).
ازاي بنقدر
نعمل ده؟ من خلال القوائم المالية للشركة
(Financial Statements) ،
واللي بتشمل:
- الميزانية العمومية .(Balance Sheet)
- قائمة الدخل .(Income Statement)
- قائمة التدفقات النقدية .(Cash Flow Statement)
عن طريق القوائم
دي، بنقدر نطبق تقنيات التحليل المالي، وأشهرها تحليل النسب المالية (Ratio Analysis) النسب دي بنستخدمها كمحللين ماليين عشان نحول الأرقام الموجودة
في القوائم المالية لنسب مئوية تساعدنا في تقييم الشركة وتقدير صحتها المالية.
أقسام التحليل المالي حسب الهدف والمُستخدم:
التحليل
المالي بيستخدم في اتجاهين أساسيين:
1. التحليل المالي الداخلي (Corporate / Internal Financial Analysis) :
ده التحليل
اللي بيتم جوه الشركة نفسها، المحلل المالي بيقيم أداء الشركة من وقت للتاني ويرفع
تقاريره للإدارة (Management).
الهدف
هنا هو مساعدة الإدارة في تكوين رؤية لمستقبل الشركة، واكتشاف أي عيوب أو مشاكل
لعلاجها وتطوير الأداء.
2. التحليل المالي الاستثماري (Investment / External Financial Analysis):
ده التحليل
اللي بيتم بغرض الاستثمار من أطراف خارج الشركة:
- المستثمر: بيطلب
من المحلل المالي تقييم شركة معينة عشان يعرف هل تستحق إنه يشتري أسهمها
ويستثمر فلوسه فيها وهل هتحقق له عائد ولا لأ.
- البنوك:
البنك بيعمل تحليل مالي للشركات
قبل ما يديها قرض، لأن القرض ده يعتبر استثمار لفلوس البنك في صورة دين، والبنك
لازم يتأكد إن الشركة صحتها المالية كويسة وقدرتها على سداد ديونها والسيولة
عندها ماشية بشكل سليم.
تشبيه مهم: المحلل المالي والدكتور:
عشان نتخيل
دور التحليل المالي، تخيل إن الشركة دي مريض داخل مستشفى لدكتور، الدكتور بيطلب
فحوصات وأشعة عشان يشخص الحالة ويدي تقرير.
أنت كمحلل
مالي دورك هو الدكتور، والشركة هي المريض، والفحوصات اللي بتعملها هي قياس الآتي:
- السيولة. (Liquidity)
- الملاءة المالية أو قدرة الشركة
على سداد التزاماتها طويلة الأجل .(Solvency)
- الربحية .(Profitability)
- الكفاءة في إدارة الموارد .(Efficiency)
- نسب السوق اللي بتقيس قوة الشركة
في السوق .(Market
Ratios)
في النهاية،
بتجمع الفحوصات دي وتطلع تقرير كامل تديه للمستخدم
(Audience / User) سواء كان
إدارة الشركة، أو مستثمر، أو بنك.
أنواع التحليل المالي
التحليل
المالي بينقسم لنوعين أساسيين:
1.التحليل
الأساسي
:(Fundamental Analysis)
ده التحليل
اللي بيعتمد بشكل كبير على الأرقام الموجودة في القوائم المالية، بنستخدم فيه
النسب المالية وتقنيات التحليل عشان نعرف قيمة الشركة
(Valuation) ، ونقيم أدائها،
ونتوقع مستقبلها.
2. التحليل الفني :(Technical Analysis)
التحليل ده مش بيبص على القوائم
المالية أصلا، هو بيعتمد على مراقبة أداء سهم الشركة في السوق
(Market Trends) عن طريق تحليل حركة السعر على منصات
التداول (طالع أو نازل)، المحلل الفني بيتوقع مستقبل السهم من غير ما يدرس الأرقام
الداخلية للشركة.
في الجزء ده
من دراستنا، تركيزنا الأكبر هيكون على التحليل الأساسي (Fundamental Analysis)
أساليب التحليل الأساسي
(Fundamental Analysis Techniques)
1. التحليل الرأسي :(Vertical Analysis)
وبيسمى أيضا (Common-Size Financial Statements)
فكرته هي
مقارنة قوائم مالية لشركات أحجامها مختلفة (مثلا شركة بحجم أبل مع محل موبايلات
صغير) في نفس السنة. عشان المقارنة تكون منطقية، بنحول كل الأرقام لنسب مئوية عشان
نوحد الحجم (Common-Size) ، بحيث يكون الإجمالي 100%.
- في قائمة الدخل: بنقسم كل بند على إجمالي المبيعات .(Sales)
- في الميزانية العمومية :بنقسم كل بند على إجمالي الأصول .(Total Assets)
2. التحليل الأفقي :(Horizontal Analysis)
وبيسمى أيضا
تحليل الاتجاه (Trend Analysis) أو .(Common-Base
Year)
هنا إحنا
بنقارن القوائم المالية لنفس الشركة على مدار كذا سنة متتالية (مثلا 2019، 2020،
2021) عشان نشوف الأرقام زادت ولا قلت.
التحليل ده
بيكشف لنا أسباب التغيرات، زي تأثير التضخم
(Inflation) على تكلفة البضاعة بدون ما ينعكس على
سعر البيع.
لتحليل
الأرقام أفقيا، بنستخدم طريقتين:
- طريقة سنة الأساس :(Base Year)
بنختار السنة القديمة لتكون سنة الأساس، ونقسم قيمة السنة
الجديدة عليها ونضرب في 100.
- طريقة معدل النمو السنوي (Annual Growth Rate) :
بنجيب الفرق بين السنتين ونقسمه على السنة القديمة.
3.تحليل النسب
:(Ratio Analysis)
هي طرق كمية (Quantitative Methods) بنستخدمها لمعرفة قدرة الشركة من
زوايا مختلفة (السيولة، الكفاءة، الربحية، الملاءة).
نقطة
جوهرية للمحلل المالي:
ماتقدرش تحكم
على الشركة من نسبة واحدة، فعلى سبيل المثال، ممكن تحسب نسب السيولة وتلاقيها
ضعيفة، فتفتكر إن الشركة أداؤها سيء، لكن لما تبص على الربحية (Profitability) ،
تلاقيها عالية جدا لأن الشركة بتبيع بالآجل وتستخدم شروط ائتمان (Credit Terms) بتسمح للعميل يدفع بعد شهرين، ده زود المبيعات والربحية، لكن
أثر مؤقتا على السيولة.
عشان كده:
- البنك: هيركز
أكتر على السيولة (Liquidity) والملاءة .(Solvency)
- المستثمر: هيركز أكتر على الربحية (Profitability) ونسب
السوق .(Market
Ratios)
المحلل
المالي الشاطر مش مجرد حد بيحسب معادلات ويطلع أرقام، المحلل الحقيقي هو اللي
بيربط النسب ببعضها، وبيفهم كل نسبة بتشير لإيه، عشان يطلع في النهاية بنتيجة
وتفسيرات وتوصيات (Recommendations)
تبني صورة كاملة عن الشركة.
ليست هناك تعليقات:
إرسال تعليق